పుట:దశరథరాజనందనచరిత్ర (మరింగంటి సింగరాచార్య).pdf/218

తే.⁠

కాక జల్లారఁ దనయంత గాననైన సీత నందఱియానతిచేత నేల ఘనత ఖగతతి యిచ్చినకాంక్షలెల్లఁ గీశసంతతి నీడేర్చి కీర్తి హెచ్చె.

⁠ 219

వ.⁠

ఇట్లు సీతం గాంచి దాశరథి లేచి కౌఁగిలించి యాజగజ్జనయిత్రిం దనచెంగట నధిష్టం జేసి యనేకచర్య లాచరించి.

⁠ 220

క.⁠

నాచేత గానినడకల్ నీచే నీడేరె గనుక నీదృఢచర్యల్ నాచర్యల్ ధరణీస్థలి నాచంద్రార్కతన నిల్చె నక్కఱఁ దేరన్.

⁠ 221

సీ.⁠

నీకయి యద్రిజానేతకాండాసన              యష్టి గండ్రించితి యంద రెఱుఁగ నీకయి గట్లచే నీరధి హరిసేన              చేత గట్టించితిఁ జిత్రసరణి నీకయి దశకంఠనిర్జరారాతిసం              తితి గీటడంచితి సతతశక్తి నీకయి శక్రాదినాకజనశ్రేణిఁ              జాల రక్షించితి జగతి యలర నీకయి చిరంతనఖ్యాతి నిఖిలదిశల శ్రీల నెన్నిక నెక్కంగఁ జేసినాఁడ గనుక నీచేత యిట్లెకా కథ జనించె సరసలాక్షణ్యజాజాత ధరణిజాత.

⁠ 222

క.⁠

తతకాలస్థితి దశగళ దితిజాగ్రణి గాంచ నల్క దృఢసంధి రచిం చితి యదె సత్యక్రియయై క్షితి నిలిచె న్నీచరిత్ర సిరి సంధిల్లన్.

⁠ 223