చతుర్థాశ్వాసము
91
క. తలవరి పలికినపలుకులు
కలరూ పెట్టిదని యెఱుఁగఁగా నేరక వా
రలవలనఁ దెలియుతలఁపున
దలపోఁతకుఁ జొచ్చి యేను దగ ని ట్లంటిన్.17
క. మీ రెవ్వ రిట్టిదుస్తర
కారాగృహవాసమునకుఁ గత మెయ్యది యి
య్యారెకులు నాకు మిము నా
వా రని చూపు టిది యేమి వలయుం దెలియన్.18
వ. అనిన విని చోరవీరు లాలాటపతివృత్తంబు విప్రువలన
నామున్ను (విన్న)విధంబునఁ జెప్పి తా రక్కన్యారక్షణంబు
సేయవచ్చిన మానపాలుభృత్యు లగుటయు నతనిపంపున
లాటేశ్వరవధార్థంబు తద్గృహంబు కన్నం బిడుటయు
(వేఁటకరిఁగి?) యతండు దప్పుటయు నతం డమ్మందిరమ్మున లేమి
యుం దలంపు దప్పి మరలునప్పు డయ్యింటిలోనం గల ధనం
బెల్ల దేవికొని వచ్చుటయు నాచొప్పు దప్పించుటకుం దమ
వీడు చొరక విసినంబుల కరుగుటయు వేఁకువయైన నాఁటి
పగలు గడుపుటకు నొక్కయెడ నిలుచుటయుఁ జొప్పునం
బెక్కండ్రు వచ్చినం గని సరకు లెత్తికొని వాఁగుల వంకలఁ
బాఱిపాఱి పట్టుపడుటయు వీటికిం దెచ్చిన సమస్తవస్తువులు
శోధించి యొక్క యనర్హ్యరత్నంబు లేదని పలుదెఱంగు
లం దమ్ము బాధించి కానక సంకలియలం బెట్టుటయు నెఱిం
గించి యిది మాతెఱుంగు మమ్ము నారెకులు నీవా రనునది
మాకుం దెలియ దని పల్కిన నేనును మణిఁ గన్నకందువ
తేటపడం బలికి వార లియ్యకొన్న నదియె యిదియని నిశ్చ