44
దశకుమారచరిత్రము
ఆ. కరణిఁ బట్టుకొనియె గజము తద్గజముపై
కంత నొక్కసింహ మాగ్రహమున
నుఱుకుటయును జూచి వెఱఁ గొంది యర్భకు
నెత్తివైచె దివికి మత్తగజము.92
వ. తదవసరంబునఁ గుమారుని యాయుశ్శేషంబు పరిపాలింపం
బూనిన విధి యఘటమానసంధానచాతుర్యంబున.93
క. ఆసన్నోన్నతతరుశా
ఖాసీనం బైన యొక్కయగచర మాహా
రాసక్తిఁ జేసి ఫల మని
డాసి పడంబడఁగఁ గరపుటంబునఁ బట్టెన్.94
తే. పట్టి పండు గాకున్న నాపాదపంబు
పెద్దఱెమ్మలసందునఁ బెట్టిపోయె
బాలకుండును సత్వసంపన్నుఁ డగుట
జేసి యెంతయు నోర్చె నాయాసమునను.95
ఉ. సామజవైరియున్ గజముఁ జంపుచు నెక్కడకేనిఁ బోయె దే
జోమయుఁ డైన యాశిశువుఁ జూచి దయామతి నల్లడించి యే
నామగువన్ వనాంతమున నారసి కానక యేఁగుదెంచి మ
త్స్వామికి వామదేవునకు సమ్మద మొందఁగఁ జూపి యింతయున్.96
క. చెప్పి మునివరునిపంపున
నిప్పుడు కడువేడ్కఁ దెచ్చి యిబ్బాలుని నీ
కొప్పించితి ననవుడు విధి
త్రిప్పుల కచ్చెరువుఁబాటు దీటుకొనంగన్.97