16
దశకుమారచరిత్రము
ఆ. వీఁడె కాని యొరుఁడు లేఁడు లోకంబుల
నని యనేకవిధుల నఖిలజనులు
పొగడ నెగడె సుకవిపుంజకంజాకర
భాస్కరుండు మంత్రి భాస్కరుండు.75
ఉ. ఆతతనీతిసంపద విహంగమపుంగవకేతుఁ జెప్పుచోఁ
గేతనఁ జెప్పి యుద్ధవిజిగీషను వానరకేతుఁ జెప్పుచోఁ
గేతనఁ జెప్పి దిగ్వలితకీర్తిరతిన్ వృషకేతుఁ జెప్పుచోఁ
గేతనఁ జెప్పి కాక ధరఁ గేవలమర్త్యులఁ జెప్పఁబోలునే.76
క. లోలుఁడు కీర్తికిఁ బరభూ
పాలసచివకార్యతుహినపటలీభానుం
డాలానము జయహస్తికిఁ
బోలమమల్లుండు ప్రకృతిపురుషుఁడె తలఁపన్.77
శా. పారావారపరీతధాత్రి వినుతింపంబోలు మల్లాంకునిన్
సారోదారయశోభిరాము బహుశాస్త్రప్రౌఢు శస్త్రాస్త్రవి
ద్యారాజన్నిజబాహువిక్రము నుదాత్తస్వాంతు ధర్మక్రియా
చారాపాస్తసమస్తదోషనివహున్ జౌహత్తనారాయణున్.78
చ. ఉరవడి నుగ్రసేవణపయోనిధి బాడబవహ్ని చాడ్పునన్
దరికొని కుంభజన్ముక్రియఁ ద్రాగి రఘుక్షితినాథుమాడ్కి న
చ్చెరువుగ నింకఁ జేసె నని చెప్పు జనప్రకరంబు విక్రమా
భరణుని సిద్ధనార్యసుతుఁ బాచని నన్ననగంధవారణున్.79
క. [1]ఇమ్మడిఖచరాధీశ్వరుఁ
డిమ్మడిదిననాథుతనయుఁ డిమ్మడిగుప్తుం
- ↑ శ్రీవీ. సం. ప్రతిలో నీ పద్యము కానరాదు.
