ఈ పుట అచ్చుదిద్దబడ్డది
69
సప్తమీవిభక్తి
ఉ. వాచవిలోనుగా నొడలివాకిళులం బొడచూపు తీపులం
ద్రోచి శివార్చనానియతితో వెలిచూడక చూడనేర్చినన్
లోచవిఁ బోలునేచవులు, లోకముచూడనిచూపులంగుమా
రాచలనాథునందుఁ ద్రిపురాంతకునందు గరంగు చిత్తమా!
కళిక - జయభద్రరగడ జంపెతాళము
మఱియునుఁ గటాక్షజిత - మారునందు
తఱిత్రాడు సొమ్మగును - దారునందు
బరులూను భక్తపశు - పాలునందు
కరుణాసుశీతకరి - కాలునందు
జగములు జనించు తొలి - జాడయందు
నిగమార్థముల్ నిలుచు - నీడయందుఁ
బొడ వెల్ల శాంతి యగు - పుణ్యునందు
గడలేక యొప్పు నర - గణ్యునందు.
ఉత్కళిక
ఇలయు సలిలంబు
వెలుఁగు ననిలంబు
దివియు మిశ్రుండుఁ
గువలయాప్తుండు
పరగుయజమాన
పరిపూర్ణుఁ డైన
యష్టతనునందు
శిష్టనుతునందు.
