ఈ పుట ఆమోదించబడ్డది
రేకు: 0110-06 భూపాళం సం: 02-060 దశావతారములు
పల్లవి: చూపఁ జెప్పగల భక్త సుజనుఁడవు మాకు
దాపైన హరి యిట్టె తప్పెఁ దారెననక
చ. 1: కోరి పాండవులయింటఁ గూర లారగించినట్టు
సారవు శబరివిందు చవిగొన్నట్టు
వూరకే మాయింట నీవు వొదవినపాటి నీ-
వారగించవయ్య చవు లౌఁగాములెంచక
చ. 2: తొల్లియు రేపల్లె గొల్లదోమటి దొడికినట్టు
తల్లి అనసూయ పాలఁ దనిసినట్టు
చిల్లరైన మాయింటఁ జేసిన పా టారగించు
చల్లతోడి బోనమైన చాలుఁ జాలదనక
చ. 3: అంకెల శ్రీవేంకటాద్రి నారగించినయట్టు
కొంకులేక సిరితోడఁ గోనేటిరాయ
లెంకనయిన నాయింటిలేశమైన నారగించు
అంకించి నీనాలోని అంతరము లెంచకా