ఈ పుట అచ్చుదిద్దబడ్డది
రేకు: 0200-06 దేసాళం సం: 02-519 శరణాగతి
పల్లవి:
కడనుండి చూచే నీకుఁ గనికరమైతేఁ గన
బడి నన్నుఁ గావు నీతో బలిమేలే
చ. 1:
వొడలు మోచినయది యొకయపరాధము
అడరి సంసారినౌటె యపరాధము
బడి నిని పఱచిన పాట్లఁ బడకపోడు (దు?)
యెడనీకు మొరవెట్ట నిఁకఁ జోటేదయ్యా
చ. 2:
అన్నపానములు గొన్న దది యొక్కనేరమి
వున్నతి సంపదఁ బొందు టొకనేరమి
యిన్నియు ననుభవించి యిఁక నొల్లనంటేఁ బోదు
విన్నపాలు సేసి నీతో విసుగఁ జోటేది
చ. 3:
మదిలో నీవుండగాను మఱచిన దొకకల్ల
అదనఁ గర్మాధికారనౌ టొకకల్ల
యెదుట శ్రీవేంకటేశ యిట్టె నన్నుఁ గాచితివి
తుద కెక్కితిమి యింకఁ దొలఁగఁగవలెనా
