ఈ పుట అచ్చుదిద్దబడ్డది
రేకు: 0200-04 సాళంగం సం: 02-517 అధ్యాత్మ
పల్లవి:
చేకొంటి నిహమే చేరిన పరమని
కైకొని నీవిందు కలవే కాన
చ. 1:
జగమునఁ గలిగిన సకలభోగములు
తగిన నీప్రసాదములే యివి
అడపడు నేఁబదియక్షరపంఙ్క్తులు
నిగమగోచరపు నీమంత్రములే
చ. 2:
పొదిగొని సంసారపుత్రదార లిల
వదలని నీదాసవర్గములే
చెదరక యేపొద్దుఁ జేయు నాపనులు
కదిసిన నియ్యాజ్ఞాకైంకర్యములే
చ. 3:
నలుగడ మించిన నాజన్మాదులు
పలుమరు లిటు నీపంపు లివి
యెలమిని శ్రీవేంకటేశ్వర నీ విఁక
వలసినప్పుడీ వరములు నాకు
