ఈ పుట అచ్చుదిద్దబడ్డది
రేకు: 0200-02 నాట సం: 02-515 ఉత్సవ కీర్తనలు
పల్లవి:
వెడలె వెడలె నదె వీధులవీధుల
తొడికి దైత్యులనుఁ దుంచఁగను
చ. 1:
కోటిసూర్యలొకకూటువ గూడుక
చాటువ మెరసేటి చక్రము
గాఁటపు వేవేలు కాలరుద్రులటు
నీటునఁ దొలఁకేటి నిబిడచక్రము
చ. 2:
ప్రళయకాలముల బడబాగ్నలొలుకు-
చలమరి ప్రతాపచక్రము
కలకలరవముల కాలభైరవులు
కలసి మెలంగేటి గండచక్రము
చ. 3:
యమసహస్రము లనంత మేకమై
సమరము గెలిచేటి చక్రము
అమరుచు శ్రీవేంకటాధిపు కరమునఁ
దెమలకయుండేటి దివ్యచక్రము