ఈ పుట అచ్చుదిద్దబడ్డది
రేకు: 0199-06 దేసాక్షి సం: 02-513 వైరాగ్య చింత
పల్లవి:
కనియుండి భ్రమసితిఁ గట్టా నేను
యెనలేక గురియైతి నిట్టే నేను
చ. 1:
తోలునెముకలు గట్టి దొరనంటా మురిసేను
అలుబడ్డల మరఁగు ఆహా నేను
గాలి యాటించుకొని కాలములు గడపేను
వోలిఁ బుణ్యపాపమందు వోహో నేను
చ. 2:
మంటివంక బదుకుతా మదియించి మురిసేను
ఇంటిముంగిటనే వుండి యీహీ నేను
వొంటివాఁడనై వుండి వూరఁగలవెల్లాఁ గోరే
వొంటిన యాసల తోడ నూహూ నేను
చ. 3:
నూలికోకఁ గట్టువడి నున్ననై నే మురిసేను
యీలాగు నాబదుకెల్ల యేహే నేను
పాలించి శ్రీవేంకటాద్రిపతి నాకుఁ గలుగఁగ
ఆలరినై గెలిచితి హైహై నేను
