ఈ పుట అచ్చుదిద్దబడ్డది
రేకు: 0199-03 లలిత సం: 02-510 కృష్ణ
పల్లవి:
ఎన్నఁడు గలుగు మరి యీభాగ్యము
సన్నిధాయ నితనికి శరణనరే
చ. 1:
అదె చంద్రుఁ డుదయించె నచ్యుతుఁడు జనియించె
అదనఁ గంసునిజన్మ మస్తమించెను
పొదలిరి దివిజులు పొలిసిరి రాక్షసులు
సదర మీ శిశువుకు శరణనరే
చ. 2:
పాండవకులము హెచ్చె బాలకృష్ణుఁడిదె వచ్చె
చండి దుర్యోధనుమూఁక జల్లన విచ్చె
దండి గోకులము నిండె ద్రౌపది తపము వండె
చండ్రప్రతాపున కిట్టె శరణనరే
చ. 3:
రేపల్లె పుణ్యము సేసె శ్రీవేంకటేశుఁడు డాసె
గోపికల మనసుల కొఱత వాసె
కోపుల ధర్మము దక్కె గోవర్ధనగిరి నిక్కె
చాపలమేఁటి కితని శరణనరే
