ఈ పుట అచ్చుదిద్దబడ్డది
రేకు: 0199-01 నాట సం: 02-508 నృసింహ
పల్లవి:
ఇదె వీఁడె కంటిమమ్మ యేతులవాఁడు
కదలే సూర్యచంద్రుల కన్నులవాఁడు
చ. 1:
సెలవి నవ్వులవాఁడు చేకత్తిగోళ్లవాఁడు
పలుపేగుల జంధ్యాల పంతాలవాఁడు
యెలమిఁ జెలిఁదొడపై నిడుకొన్నట్టివాఁడు
చెలఁగిన ఘననారసింహుఁడటే వీఁడు
చ. 2:
కొండగద్దెమీఁదివాఁడు గొప్పకిరీటమువాఁడు
దిండుపైఁడిచీరకాశ(సె?) తెక్కులవాఁడు
రెండురూపులొకటైన రీతుల మాయలవాఁడు
అండఁ బ్రహ్లాదవరదుఁ డాతఁడటే వీఁడు
చ. 3:
భవనాసి పొంతవాఁడు భావించఁ దెల్లనివాఁడు
ఇవల శ్రీవేంకటాద్రి నిరవైనాఁడు
జవళిపంతాలవాఁడు శంఖుచక్రములవాఁడు
తివిరిన అహోబలదేవుఁడటే వీఁడు