ఈ పుట అచ్చుదిద్దబడ్డది
రేకు: 0198-06 పాడి సం: 02-507 శరణాగతి
పల్లవి:
హరి నారాయణ కృష్ణ అదివో మావిన్నపము
తరవాతి మాట నీవే తలఁచుకోవయ్యా
చ. 1:
నడిఁబడ్డ తలఁపు చక్కఁగాక వుండినాను
వొడయఁడవు నీకృప వొగిఁ జక్కనే
గుడిగొన్న యేరెంత కొంకరవంకరలైనా
పుడమికి లోఁగొనకపోవునటవయ్యా
చ. 2:
కాయకపు నాభక్తి కడుఁ గొంచమైనాను
ఆయపు నీవరములు అతిఘనమే
యేయెడ గుడి గొంచమయిన గుడిలో దేవుని-
కాయెడ మహిమ ఘనమందురు గదవయ్యా
చ. 3:
శ్రీవేంకటేశ నిన్ను జింతించక నే నుండినా
జీవాంతరాత్ముఁడవై చేకొంటి నీవే
ఆవటించి కీలుబొమ్మ అచేతనమై యుండినా
ఆవేళ సూత్రధారుఁ డాడించుఁ గదవయ్యా