ఈ పుట అచ్చుదిద్దబడ్డది
రేకు: 0198-03 శంకరాభరణం సం: 02-504 అధ్యాత్మ
పల్లవి:
ఇతని ప్రసాదమే యిన్నియును
గతి యితనిదే కన కాదనరాదు
చ. 1:
కాయములో నొకఘనసంసారము
ప్రాయంబులతోఁ బ్రబలీని
ఆయ మందుకును హరి దానేయై
దాయక పాయక తగిలున్నాఁడు
చ. 2:
వొనరిన కలలో నొకసంసారము
మనసుతోడనే మలసీని
ననిచి యందుకును నారాయణుఁడై
కొనమొదలై తా గురియైనాడు
చ. 3:
వుడిబడి కోర్కుల నొకసంసారము
బడిబడి యాసలఁ బరగీని
విడువక యిది శ్రీవేంకటేశ్వరుఁడే
తొడిఁబడఁ గల్పింది ధ్రువమయినాఁడు