ఈ పుట అచ్చుదిద్దబడ్డది
రేకు: 0198-01 శ్రీరాగం సం: 02-502 శరణాగతి
పల్లవి:
ఎఱిఁగితి నమ్మితి నితఁడు దయానిధి
మఱఁగులు మొరఁగులు మరి యిఁక లేవు
చ. 1:
వేదోద్ధరణుఁడు విశ్వరక్షకుఁడు
ఆదిమూర్తి శ్రీఅచ్యుతుఁడు
సోదించి కొలిచితి సుముఖుఁడై మమ్మేలె
యేదెస మాపాల నితఁడే కలఁడు
చ. 2:
పరమపురుషుఁ డాపన్నివారకుఁడు
హరి శాంతుఁడు నారాయణుఁడు
శరణంటి మితఁడు చేకొని కాచెను
తరవాతిపనులఁ: దప్పఁడితఁడు
చ. 3:
హృదయాంతరంగుఁడు యీశ్వరేశ్వరుఁడు
ఇదివో శ్రీవేంకటేశ్వరుఁడు
వెదికితి మీతఁడు విడువఁడు మమ్మిఁక
తుదకును మొదలికి దొరికినవాఁడు