ఈ పుట అచ్చుదిద్దబడ్డది
రేకు: 0197-06 సామంతం సం: 02-501 అధ్యాత్మ
పల్లవి:
బయలుమొరంగగు పరమమాయ ఇది
నయమున లోనై వడతురు గాని
చ. 1:
కలఁడు హరి యొకఁడు కావ జగములకు
కలిగినతఁడు లేక మానఁడు
తెలిసి ఇందరికిఁ దేరిన యర్థమే
మలసి యప్పటి మరతురు గాని
చ. 2:
పుట్టినదెల్లా భోగముకొరకే
పుట్టిన భోగము పో దెపుడు
పట్టి యీమాఁటలే పలుకుదు రిందరు
మట్టులేక ఇది మరతురు గాని
చ. 3:
కర్మము శ్రీవేంకటపతి కార్యము
కర్మము దేహికిఁ గాణాచి
ధర్మ మీదేవుని దాస్యం బందురు
మర్మము లోకులు మరతురు గాని