ఈ పుట అచ్చుదిద్దబడ్డది
రేకు: 0197-02 సాళంగనాట సం: 02-497 రామ
పల్లవి:
నరుఁడా యీతఁడు ఆదినారాయణుఁడు గాక
ధరణిఁ గీరితికెక్కె దశరథసుతుఁడు
చ. 1:
యీతఁడాతాటకిఁ జంపె నీమారీచసుబాహుల-
నీతఁడా మదమణఁచె నిందరుఁ జూడ
యేతులకు హరువిల్లు యీతఁడా విరిచి యట్టె
సీతఁ బెండ్లియాడెను యీచిన్నరాముఁడా
చ. 2:
చుప్పనాతిముక్కు గోసి సోదించి దైత్యులఁ జంపి
అప్పుడిట్టె వాలి నేసినాతఁ డీతఁడా
గుప్పించి కోఁతుల నేలి కొండల జలధి గట్టి
కప్పి లంక సాధించె నీకౌసల్యనందఁనుడా
చ. 3:
రావణాదులనుఁ జంపి రక్షించి విభీషణుని
భావిం చయోధ్య నీతఁడు పట్టమేలెను
శ్రీవేంకటేశుఁ డితఁడే సృష్టి రక్షించె నితఁడే
యీవల మాపాలనున్న యారామచంద్రుఁడా
