ఈ పుట అచ్చుదిద్దబడ్డది
రేకు: 0196-01 దేవగాంధారి సం: 02-492 శరణాగతి
పల్లవి:
నీయంత నీవే యెరిఁగి నిచ్చ నన్నుఁ గాతు గాక
మాయలలోఁ బొరలే దిమ్మరివాఁడ నేను
చ. 1:
నీ సరివాఁడనా నిన్ను దూరేవాఁడనా
దాఁసుడనై కొలిచిన తనుధారిని
వేసరించ నోపుదునా వెరపించఁగలనా
మాసిన పాపాలలోని మైల సోఁకినాఁడను
చ. 2:
విన్నవించేవాఁడనా వీడుజోడువాఁడనా
అన్నిటా శరణుచొచ్చినట్టి జీవిని
యెన్నిటి కుత్తరమిచ్చే యేపని సేసి మెప్పించే
మున్నిటి కర్మములకు ముంగిట నున్నాఁడను
చ. 3:
యెదురాడేవాఁడనా యెలయించేవాఁడనా
సదరాన నీకు మొక్కేజంతువ నేను
ఇదివో శ్రీవేంకటేశ యెరుక నీ వొసగఁగా
పొదిగి నీమహిమలు పొగడుచున్నాఁడను