ఈ పుట అచ్చుదిద్దబడ్డది
రేకు: 0195-06 శంకరాభరణం సం: 02-491 దశావతారములు
పల్లవి:
ఎంతకెంత యిది యేమని పొగడుట
యింత సేయ నీకు నెదురా వీరు
చ. 1:
పిడుగులఁ బోలెడి పెను నీ నఖములఁ
కెడయక హిరణ్యుఁ డెట్లుండెనో
వుడికెటి చక్రాయుధము వేఁడికిని
జడియక మకరెటు వహించెనో
చ. 2:
శరపరంపరల శిరములు నఱకఁగ
యెరగొని రావణుఁ డేమనెనో
పరియలు వారఁగ బ్రహ్మాండభాండము
ఉరుశంఖరవం బోర్చుట యెట్లో
చ. 3:
గాఁటపు నిష్ఠురగదాహతికి మధు-
కైటభుల తలల కత లెట్లో
యీటున శ్రీవేంకటేశ నీకృపను
పాటించి దాసులు బ్రదుకుట యెట్లో