ఈ పుట అచ్చుదిద్దబడ్డది
రేకు: 0195-04 మాళవిగౌళ సం: 02-489 అధ్యాత్మ
పల్లవి:
నీచిత్త మిందరినేరుపు నేరమి
తోచి కాచి యిటు తుద కీడెర్చె
చ. 1:
దేవతలపాలు తీరని పుణ్యము
ఆవలఁ బాపం బసురలది
భావింప మనుజులపాలివి రెండును
శ్రీవల్లభ నీనేసిన మాయ
చ. 2:
వేదశాస్త్రములు విజ్ఞానమూలము
ఆది నసత్యము లజ్ఞానమూలము
సాదింప రెండును జగత్తుమూలము
భేదించి యివి నీపెరరేఁపణలు
చ. 3:
కావింపఁ గర్మము కాయము చేతిది
భావము చేతిది పరమము
తావుల రెండునుఁ దప్పని ప్రకృతివి
శ్రీవేంకటేశ్వర చేఁతలు నీవి
