ఈ పుట అచ్చుదిద్దబడ్డది
రేకు: 0195-03 లలిత సం: 02-488 శరణాగతి
పల్లవి:
కామధేనువిదె కల్పవృక్షమిదే
ప్రామాణ్యముగల ప్రపన్నులకు
చ. 1:
హరినామజపమే ఆభరణంబులు
పరమాత్ముని నుతి పరిమళము
ధరణిధరు పాదసేవే భోగము
పరమంబెరఁగిన ప్రపన్నులకు
చ. 2:
దేవుని ధ్యానము దివ్యాన్నంబులు
శ్రీవిభు భక్తే జీవనము
ఆ విష్ణుకైంకర్యమే సంసారము
పావనులగు యీప్రపన్నులకు
చ. 3:
యేపున శ్రీవేంకటేశుఁడే సర్వము
దాపై యితని వందనమే విధి
కాపుగ శరణాగతులే చుట్టాలు
పైపయి గెలిచిన ప్రపన్నులకు
