ఈ పుట అచ్చుదిద్దబడ్డది
రేకు: 0194-06 రామక్రియ సం: 02-485 వైష్ణవ భక్తి
పల్లవి:
అదె శిరశ్చక్రము లేనట్టి దేవర లేదు
యిదె హరిముద్రాంకిత మిందే తెలియరో
చ. 1:
ఆనాయుధో సో అసురా అదేవా యని
వినోదముగ బుగ్వేదము దెలిపెడి
సనాతనము విష్ణుచక్రధారణకును
అనాది ప్రమాణ మందే తెలియరో
చ. 2:
యెచ్చ యింద్రే యని "యచ్చ సూర్యే" యని
అచ్చుగ తుద కెక్కె(క్క?) నదే పొగడీ శ్రుతి
ముచ్చట గోవిందుని ముద్రాధారణకు
అచ్చమయిన ప్రమాణ మందే తెలియరో
చ. 3:
మును "నేమినా తప్తముద్రాం ధారయే" త్తని
వెనువెంట శ్రుతి యదె వెల్లవిరి సేసీని
మొనసి శ్రీవేంకటేశు ముద్రాధారణకు
అనువుగఁ బ్రమాణ మందే తెలియరో