ఈ పుట అచ్చుదిద్దబడ్డది
రేకు: 0194-05 శ్రీరాగం సం: 02-484 శరణాగతి
పల్లవి:
నావల్ల నీ కేమున్నది నారాయణ నీవు నన్ను
కావించి రక్షించే వుపకార మింతే కాక
చ. 1:
సొమ్ము దినఁబుట్టినట్టి సోమరిబం టేలికకు
ఇమ్ముల నందుకుఁ బ్రతి యేమి సేసీని
చిమ్ముచు నాతఁడు నేమించిన పనివాటలలో
వుమ్మడిఁ జేసేటి వట్టివూడిగాలే కాక
చ. 2:
ఆసపడి వచ్చినట్టి అతిథి బలురాజుకు
రాసిసేసి యేమిచ్చిన రతికెక్కీని
బేసబెల్లితనమున ప్రియాన నిచ్చకమాడి
మూసి దైన్యపుఁ జేతుల మొక్కు లింతే కాక
చ. 3:
శరణాగతుఁడ నీకెచ్చట శ్రీవేంకటేశుఁడ
దొరనై యేమిట సరిఁదూఁగఁగలను
ధరలోన నీవు దయదలఁచి నన్నేలుకోఁగా
పరగు నీమఱఁగున బదుకుదుఁ గాక