ఈ పుట అచ్చుదిద్దబడ్డది
రేకు: 0194-03 లలిత సం: 02-482 వైష్ణవ భక్తి
పల్లవి:
కేశవదాసినైతి గెలిచితి నన్నిటాను
యీ శరీరపు నేరా లిఁకనేలా వెదక
చ. 1:
నిచ్చలుఁ గోరికలియ్య నీనామమే చాలు
తెచ్చి పునీతుఁ జేయ నీతీర్థమే చాలు
పచ్చిపాపా లణఁచ నీప్రసాదమే చాలు
యెచ్చుకొందు వుపాయాలు ఇఁకనేల వెదక
చ. 2:
ఘనునిఁ జేయఁగను నీకైంకర్యమే చాలు
మొనసి రక్షించను నీముద్రలే చాలు
మనిపి కావఁగఁ దిరుమణిలాంఛనమే చాలు
యెనసెను దిక్కుదెస ఇఁకనేల వెదక
చ. 3:
నెలవైన సుఖమియ్య నీధ్యానమే చాలు
అల దాపుదండకు నీయర్చనే చాలు
యిలపై శ్రీవేంకటేశ యిన్నిటా మాకుఁ గలవు
యెలమి నితరములు యిఁకనేల వెదక
