ఈ పుట అచ్చుదిద్దబడ్డది
రేకు: 0194-01 కన్నడగౌళ సం: 02-480 అధ్యాత్మ
పల్లవి:
ఎవ్వరి నేమనఁగల నెంతబలువుఁడ నేను
నవ్వుచు నీవే యిఁక నన్ను మన్నించవయ్యా
చ. 1:
కామక్రోధములకు కాణాచికాఁపను
ఆమని యింద్రియముల కడిబంటను
దీమనపు టాసలకు తీరని లగ్గస్థుఁడను (?)
యీ మరఁగువాఁడ నిన్ను నెట్టు గొలిచేనయ్యా
చ. 2:
పాయని సంసారానకు బడివనివాఁడను
కాయపుభోగాల వూడిగపువాఁడను
పాయపు మదములకు పంగెమైనవాఁడను (?)
యీయెడ నీవాఁడ నని యెట్టు గొలిచేనయ్యా
చ. 3:
సరిఁ గర్మములకెల్ల చనవరి బొడుకను
పొరలే జన్మముల యప్పులవాఁడను
అరయ శ్రీవేంకటేశ అంతలో నన్నేలితివి
యిరవై ఇట్టుండకున్న నెట్టు గొలిచేనయ్యా
