ఈ పుట అచ్చుదిద్దబడ్డది
రేకు: 0193-01 దేసాళం సం: 02-474 శరణాగతి
పల్లవి:
ఇంతటఁ బో కానవచ్చు నెక్కువ తక్కువలెల్ల
దొంతి ఇంద్రియాలకెల్లఁ దొలఁగి వుంటేను
చ. 1:
మాటలాడవచ్చుఁ గాని మనసులు పట్టరాదు
చాటువకెక్కినయట్టి సతులఁ గంటే
కోటి చదువఁగవచ్చు కోపము నిలుపరాదు
జూటరై వొకఁడు దన్ను సోఁకనాడితేను
చ. 2:
అందరి దూషించవచ్చు నాసలు మానఁగరాదు
కందువైన మించుల బంగారు గంటే
అందాల మొక్కఁగవచ్చు హరిభక్తి సేయరాదు
పొందుల సంసారపు భోగము గంటేను
చ. 3:
మొదలఁ బుట్టగవచ్చు మోక్షముఁ బొందఁగరాదు
పొదిగి పుణ్యరాసుల భోగము గంటే
యెదుట శ్రీవేంకటేశ ఇదివో నీశరణంటే
కదిసితి నిట్టే పో నీకరుణ గంటేను