ఈ పుట అచ్చుదిద్దబడ్డది
రేకు: 0192-05 శంకరాభరణం సం: 02-472 అధ్యాత్మ
పల్లవి:
పట్టలేని మన భ్రమగాక
నెట్టనఁ దాఁ గరుణించని వాఁడా
చ. 1:
హితప్రవర్తకుఁ డీశ్వరుఁడు
తతి నంతరాత్మ తాఁ గాన
రతి నాతని దూరఁగనేలా
గతియని తలఁచిన కావనివాఁడా
చ. 2:
తెగని బంధువుఁడు దేవుఁడు
బగివాయఁ డిహముఁ బరమునను
అగపడి సందేహములేలా
తగ నమ్మిన దయదలఁచనివాఁడా
చ. 3:
హృదయము శ్రీవేంకటేశ్వరుఁడు
మెదలనే ఆనందమూర్తిగన
కదిసి వెలిని వెదకఁగనేలా
యెదురఁ గనిన వరమియ్యనివాఁడా
