ఈ పుట అచ్చుదిద్దబడ్డది
రేకు: 0191-05 లలిత సం: 02-466 నామ సంకీర్తన
పల్లవి:
కలిగె నిదె నాకు కైవల్యము
తొలుత నెవ్వరికి దొరకనిది
చ. 1:
జయ పురుషోత్తమ జయ పీతాంబర
జయ జయ కరుణాజలనిధి
దయ యెఱంగ నే ధర్మము నెఱంగ నా-
క్రియ యిది నీ దివ్యకీర్తనమే
చ. 2:
శరణము గోవింద శరణము కేశవ
శరణు శరణు శ్రీజనార్దన
పరమ మెఱంగను భక్తి యెఱఁగను
నిరతము నాగతి నీ దాస్యమే
చ. 3:
నమో నారాయణ నమో లక్ష్మీపతి
నమో పుండరీకనయనా
అమిత శ్రీవేంకటాధిప యిదె నా
క్రమమెల్లను నీకయింకర్యమే
