ఈ పుట అచ్చుదిద్దబడ్డది
రేకు: 0191-01 రామక్రియ సం: 02-462 రామ
పల్లవి:
వినవమ్మ జానకి నీవిభుఁ డింతసేసినాఁడు
యెనసి యీరఘుశ్రీరాముఁ డికఁ నేమి సేసునో
చ. 1:
వానరులదండు గూడి వారధి కొండలఁ గట్టె
ఆని లంక చుట్టిరా నదే విడిసె
కోనలఁ ద్రికూటమెక్కె గొడగు లన్నియుఁ జెక్కె
యే నెపాన రఘురాముఁ డిఁక నేమి సేసునో
చ. 2:
కోరి ఇంద్రజిత్తుఁ జంపె కుంభకర్ణు నిర్జించె
ఘోరదానవులనెల్ల కూలఁగుమ్మెను
మారణహోమము సేసె మతకమింతాఁ జెరిచె
యీరసాన రఘురాముఁ డిఁక నేమి సేసునో
చ. 3:
లావున రావణుఁ జంపె లంక విభీషణు కిచ్చె
చేవల నోసీత నిన్నుఁ జేకొనెను
భావించి శ్రీవేంకటాద్రిఁ బట్టము దాఁ గట్టుకొనె
యీవలనావల నాతఁ డిఁక నేమి సేసునో