ఈ పుట అచ్చుదిద్దబడ్డది
రేకు: 0189-05 పాడి సం: 02-454 అధ్యాత్మ
పల్లవి:
అట్టయితే నాయంతర్యామివేలైతివయ్యా
మట్టుమీఱి ముక్తియాస మాననటవయ్యా
చ. 1:
పొలఁతులు లేరా భూమి భోగించే నే లేనా
కలకాల మింద్రియాల కాణాచి లేవో
తొలి యీసంసారము లేదో నాకాంక్షలు లేవో
యెలమి నిన్నుఁ గొలుచు టిందుకటవయ్యా
చ. 2:
ధరలోఁ బసిఁడి లేదా తగిలి నాయాస లేదా
సిరుల యజ్ఞానపుచీఁకటి లేదా
అరయఁ జవులు లేవా అందుకో నాలికె లేదా
యిరవై నిన్నుఁ గొలుచు టిందుకటవయ్యా
చ. 3:
అట్టే సర్వాపరాధి నపరాధా లెంచనేల
గట్టిరాళ్లలో మలిగండ్లేరనేల
నెట్టన శ్రీవేంకటేశ నిన్నుఁ జూచి కావకుంటే
ఇట్టే నిన్నుఁ గొలుచు టిందుకటవయ్యా