ఈ పుట అచ్చుదిద్దబడ్డది
రేకు: 0188-06 శంకరాభరణం సం: 02-449
పల్లవి:
కానవచ్చె నిందులోన కారుణ్యనరసింహా
తానకమై నీకంటే దాస్యమే పో ఘనము
చ. 1:
యెనసి ప్రహ్లాదుఁడు యెక్కడఁ జూపునోయని
ననిచి లోకమెల్ల నరసింహగర్భములై
పనివూని వుంటి వటు భక్తపరతంత్రుఁడవై
తనిసి నీ వధికమో దాసులే యధికమో
చ. 2:
మక్కువ బ్రహ్మాదులు మానుపరాని కోపము
ఇక్కువై ప్రహ్లాదుఁడు యెదుట నిలిచితేను
తక్కక మానితి వట్టే దాసుని యాధీనమై
నిక్కి నీకింకరుఁడే నీకంటే బలువుఁడు
చ. 3:
ఆరసి కమ్మర ప్రహ్లాదవరదుఁడని
పేరువెట్టుకొంటి విట్టే బెరసి శ్రీవేంకటేశ
సారె నీశరణాగతిజనుని కాధీనమైతి-
వీరీతి నీదాసునికే యిదివో మొక్కేము