ఈ పుట అచ్చుదిద్దబడ్డది
రేకు: 0188-03 చాయానాట సం: 02-446 దశావతారములు
పల్లవి:
కమ్మంటేఁ గావా కాఁగల వన్నియు
చిమ్ముల మాయలు సేయఁగనేలా
చ. 1:
సరసిజాక్ష నీసంకల్పమాత్రము
అరుదగు ఘనబ్రహ్మాండ మిది
అరయఁగ ధరలో నల్పపుఁ బనులకు
హరి యవతారం బందితివేలా
చ. 2:
సతత సురాసుర జననమరణములు
మతి నీహుంకారమాత్రములు
గతియై యమృతము గల్పించుకొరకును
తతి ఘోరజలధి దచ్చితివేలా
చ. 3:
యి వైకుంఠము యీశేషగిరే
మహి నీ దర్శనమాత్ర మిది
విహరింపఁగ శ్రీవేంకటేశ యిటు
బహులోకపుకల్పన లవి యేలా