ఈ పుట అచ్చుదిద్దబడ్డది
రేకు: 0187-06 దేవగాందారి. సం: 02-443 అధ్యాత్మ
పల్లవి:
వానికి ముదుల యిచ్చి వద్దని మానుపవే
శ్రీనారాయణ వీనిచేత నే వేసరితి
చ. 1:
నీకల్పితములే యీనిఖిలేంద్రియములు
యీకడ నీయింద్రియాల నెట్టు గెలువఁగవచ్చు
నీకడ నిన్నే కొలిచి నీయప్పణ దెచ్చి వానిఁ
బైకొని చోఁపుటగాక బలిమా రాచాజ్ఞతో
చ. 2:
నీపంపునఁ గప్పిన నిజమైన మాయ యిది
మాపాటివారెల్లా మహి నెట్టు దాఁటవచ్చు
మీపాదాలే కొల్చి మీయనుజ్ఞ గొని దాని
పైపైఁ దోయుటగాక బలిమా రాచాజ్ఞతో
చ. 3:
శ్రీవేంకటేశ నీచిక్కులే యీపుట్టుగులు
నీవు సేసే చేఁతలకు నే నెట్టు దొలఁగవచ్చు
నీవొద్ద శరణంటి నీయానతినే వాని
భావించి తోసితిఁగాక బలిమా రాచాజ్ఞతో
