ఈ పుట అచ్చుదిద్దబడ్డది
రేకు: 0187-03 శ్రీరాగం సం: 02-440 అధ్యాత్మ
పల్లవి:
చాలునిదే నావిరతి సకలసామ్రాజ్యము
నాలోని పని యెంతైనా నాకుఁ గలదు
చ. 1:
వడఁబడి పరులిండ్లవాకిలి గాచే నేను
వడి నాలో హరియున్న వాకిలి గాచేను
బడి నొకరిఁ గొలిచి బహురాజ్యమేలే నేను
యెడ నామనోరాజ్యమింతా నేలేను
చ. 2:
చేరి యొరులకుఁ బనిసేసి యలసే నేను
సారె నాయోగాభ్యాసాన నలసేను
అరసి నే నడుగఁగ నన్యులిచ్చేయీవులు
తారి పూర్వకర్మాదిదైవమే యిచ్చీని
చ. 3:
అందు సంతోషమే ఫల మిందు సంతోషమే ఫల-
మందును మాయాకల్పిత మిందును మాయే
అందు నిందు శ్రీవేంకటాధీశుఁడే కర్త
అందైతేఁ బరతంత్రుఁడిందు నే స్వతంత్రుఁడ
