ఈ పుట అచ్చుదిద్దబడ్డది
రేకు: 0187-01 లలిత సం: 02-438 కృష్ణ
పల్లవి:
అని యానతిచ్చె గృష్ణుఁ డర్జునునితో
విని యాతని భజించు వివేకమా
చ. 1:
భూమిలోను చొచ్చి సర్వభూతప్రాణులనెల్ల
దీమసాననే మోచేటి దేవుఁడ నేను
కామించి సస్యములు గలిగించి చంద్రుఁడనై
తేమల బండించేటి దేవుఁడ నేను
చ. 2:
దీపనాగ్నినై జీవదేహముల యన్నములు
తీపుల నరగించేటి దేవుడ నేను
యేపున నిందరిలోని హృదయములోన నుందు
దీపింతుఁ దలఁపు మరపై దేవుఁడ నేను
చ. 3:
వేదములన్నిటిచేతా వేదాంతవేత్తలచేతా
ఆది నేనెరఁగఁదగిన యాదేవుఁడను
శ్రీదేవితోఁగూడి శ్రీవేంకటాద్రి మీఁద
పాదైన దేవుఁడను భావించ నేను
