ఈ పుట అచ్చుదిద్దబడ్డది
రేకు: 0185-06 గుండక్రియ సం: 02-431 నామ సంకీర్తన
పల్లవి:
జయమంగళము నీకు సర్వేశ్వరా
జయమంగళము నీకు జలజవాసినికి
చ. 1:
శరణాగతపారిజాతమా
పొరి నసురలపాలి భూతమా
అరుదయున సృష్టికి నాదిమూలమా వో-
హరి నమో పరమపుటాలవాలమా
చ. 2:
సకలదేవతాచక్రవర్తి
వెకలివై నిండిన విశ్వమూర్తి
అకలంకమైన దయానిధి
వికచముఖ నమో విధికి విధి
చ. 3:
కొలచినవారల కొంగుపైఁడి
ములిగినవారికి మొనవాఁడి
కలిగిన శ్రీవేంకటరాయా
మలసి దాసులమైన మాకు విధేయా
