ఈ పుట అచ్చుదిద్దబడ్డది
రేకు: 0185-04 మాళవి సం: 02-429 కృష్ణ
పల్లవి:
అరు దరుదు నీమహి మతిమానుషము చూడ
పురుషోత్తమను దివ్యపుర జగన్నాథా
చ. 1:
పసులఁ గాచే దేడ బ్రహ్మ నుతియించు టేడ
సిసువౌ టేడ నాలుగుచేత లేడ
కొసరి వేలనే యేడ కొండగొడగెత్తు టేడ
వసమా నిన్నుఁ బొగడ వరజగన్నాథా
చ. 2:
జనవేష మేడ పారిజాతము దెచ్చిన దేడ
తనివెన్న ముచ్చి మేడ దైవికమేడ
పని బండిబోయిఁడేడ బాణుని నరకు టేడ
వినఁ గత నీమహిమ విష్ణు జగన్నాథా
చ. 3:
కమ్మి రోలఁ గట్టు టేడ గరుడవాహన మేడ
దొమ్మి భద్రసుభద్రుల తోఁబుట్టు వేడ
చిమ్ముల నిలగిరిని (?) శ్రీవేంకటాద్రిమీఁద-
నుమ్మడి నిరవుకొంటివో జగన్నాథా