ఈ పుట అచ్చుదిద్దబడ్డది
రేకు: 0185-02 కాంబోది సం: 02-427 అద్వైతము
పల్లవి:
నన్నెరఁగలేనయ్యో నాయంతర్యామై
వున్నతపు హరి నాలో నున్నాఁడట
చ. 1:
యిల నేడుజానల మేనిందులోనివాఁడ నింతే
తలఁపు బ్రహ్మాండాలు దాఁటిపొయ్యీని
కలువరేకులంతేసి కన్నులవాఁడ వింతే
సొలసి చూపాకాశమే చూరగొనీని
చ. 2:
వెడ వెంట్రుక దూరేటి వీనులవాఁడ నింతే
కడలేని శబ్దము లొక్కట వినేను
నడుమ నే నల్లెఁడంత నాలికెవాఁడ నింతె
వుడివోని సుద్దు లెల్లా నుగ్గడించేను
చ. 2:
లచ్చనఁ బదారంగుళాల ప్రాణ మింతే
కుచ్చి కాలపుదినాలు గొలచీని
కొచ్చిన శ్రీవేంకటేశు కొలువుడుబంట నింతే
పచ్చి యింద్రియాల కెల్లాఁ బంపు సేసేను
