ఈ పుట అచ్చుదిద్దబడ్డది
రేకు: 0184-05 లలిత సం: 02-425 శరణాగతి
పల్లవి:
నీ వొక్కఁడవే నాకుఁ జాలు నీరజాక్ష నారాయణ
నీవే నాకు గతియని తెలిసితి నెక్కొని యితరము వృథా వృథా
చ. 1:
మీ నామోచ్చారణమే మెరసిన దుఃఖనివారణము
మీ నామోచ్చారణమే మెలఁగు శుభకరము
నానావేదశాస్త్రములు నవపురాణేతిహాసములు
మీ నామములోనే వున్నవి మిగిలిన విన్నియు వృథా వృథా
చ. 2:
నీ పాదమూలము నింగియు భువియు రసాతలము
నీ పాదమూలము నిఖలజీవపరిణామములు
దీపించిన చరాచరంబులు దివ్యులు మునులును సర్వమును
నీ పాదమూలమే మరి నెరి నితరంబులు వృథా వృథా
చ. 3:
దేవ మీతిరుమేను దిక్కును బ్రహ్మాండాధారము
దేవ మీతిరుమే నుత్పత్తిస్టితిలయములకును ఆకరము
శ్రీవేంకటపతి నాభావము చిత్తము నీకే సమర్పణ
దేవ మీశరణము చొచ్చితి దిక్కులన్నియును వృథా వృథా
