ఈ పుట అచ్చుదిద్దబడ్డది
రేకు: 0184-02 ముఖారి సం: 02-422 భగవద్గీత కీర్తనలు
పల్లవి:
నాకు నీవు గలవు హరి నాలోపలనుండి
పైకొని యిన్నియు బదుకనీవయ్యా
చ. 1:
పసిగొని రుణానుబంధము కొలఁదే
పసులునుఁ బడతులు బహుసుతులు
వసముగావు తమవంతులు దీరిన
పసగా నవియే బదుకనీవయ్యా
ప. 2:
పెనగొని భటులకుఁ బెట్టిన కొలఁదియు
పనులునుఁ గీర్తులు పంతములు
అనువులు దప్పును అవి గడమైతే
పనివడి యివియే బదుకనీవయ్యా
చ. 3:
కడుసంపదలును కాలము కొలఁదే
బడిబడిఁ జవులై ఫలియించు
యెడపక శ్రీవేంకటేశుఁ డిచ్చె నివే
పడసితి మివియును బదుకనీవయ్యా
