ఈ పుట అచ్చుదిద్దబడ్డది
రేకు: 0183-06 బౌళి సం: 02-420 గురు వందన, శరణాగతి
పల్లవి:
హరి సేవొకటే యనంతము
గురుబోధలకును కొలఁదే లేదు
చ. 1:
తలఁచిన కొలఁదే తనలో భావము
నిలిపిన కొలఁదే నేమము
పలికిన కొలఁదే పరమగు సత్యము
యిల నెవ్వరికిని యెక్కుడు లేదు
చ. 2:
జరిపిన కొలఁదే సకలాచారము
నెరపిన కొలఁదే నిజకీర్తి
తిరము సేయుకొలఁదే ధర్మంబును
యిరవుగ నందుకు నెక్కుడు లేదు
చ. 3:
సేసినకొలఁదే చేకొను కర్మము
రోసిన కొలఁదే రుచివిరతి
ఆసల శ్రీవేంకటాధిపు శరణను
దాసుడే యెక్కుడు తప్పే లేదు