ఈ పుట అచ్చుదిద్దబడ్డది
రేకు: 0183-03 లలిత సం: 02-417 వైష్టవ భక్తి
పల్లవి:
ఈతని మరచివుంటి మిన్నాళ్లును
యీతల నేఁడెచ్చరించె నీతఁడే పో విష్ణుఁడు
చ. 1:
తల్లియై పోషించు తండ్రియైరక్షించు
వుల్లపు బంధువుఁడై వొడ లరయు
మెల్లనె దాతై ఇచ్చు మెలుఁతయై యాదరించు
యెల్లవిధబంధువుఁడు యీతఁడే పో విష్ణుఁడు
చ. 2:
యేలికయై మన్నించు నిష్టుఁడై బుద్ధి చెప్పు
చాలుమానిసియై యంచలఁ దిరుగు
బాలుఁడై ముద్దుచూపు ప్రాణమై లోన నుండు
యీలాగుల బంధుఁ డీతఁడే పో విష్ణుఁడు
చ. 3:
దేవుఁడై పూజగొను ద్రిష్టిగోచరమై
శ్రీవేంకటాద్రిమీఁద సిరు లొసగు
తావై యెడమిచ్చు తలఁపై ఫలమిచ్చు
యీవల నావల బంధుఁడీతఁడేపో విష్ణుఁడు
