ఈ పుట అచ్చుదిద్దబడ్డది
రేకు: 0182-05 మాళవి సం: 02-414 శరణాగతి
పల్లవి:
హరి నెఱఁగని జన్మ మది యేలా ఆ-
సరుస నాతఁడులేని చదువేలా
చ. 1:
దయదొలఁగినయట్టి తపమేలా
భయములేనియట్టి భక్తేలా
ప్రియముమానినయట్టి పెనఁగేలా మంచి-
క్రియావిరుద్ధపు కీర్తనలేలా
చ. 2:
ఫలములేనియట్టి పనులేలా కడుఁ
గలిమిలేనియట్టి గర్వమేలా
బలిమిలేనియట్టిపంతామేలా శౌరి-
దలఁచలేని యట్టితనువది యేలా
చ. 3:
తన కమరని దొరతనమేలా
చనవులేనియట్టి సలిగె యేలా
యెనలేని శ్రీవేంకటేశ్వరుని శరణని
మనఁగలిగినమీఁద మరి చింతలేలా