ఈ పుట ఆమోదించబడ్డది
రేకు: 0182-03 శంకరాభరణం సం: 02-411 అధ్యాత్మ
పల్లవి:
ఇన్నిటా నొరయక యెఱు కేది
వెన్నుని కృపఁగా వెలసేది
చ. 1:
కోపము మతిలోఁ గుందినపుడువో
పాపము లన్నియుఁ బాసేది
తీపుల యాసలు దీరినపుడువో
తాపత్రయములు దలఁగేది
చ. 2:
ఘనకర్మంబులు గడచినపుడువో
వెనుకొను భవములు విడిచేది
మునుకొని యింద్రియములు వీడినఁబో
పనివడి విరక్తి బలిసేది
చ. 3:
ఆఁకటిరుచు లివి యణఁగినపుడువో
చేకొని సుఖమునుఁ జెందేది
యీకడ శ్రీవేంకటేశ్వరు శరణము
పైకొనిననుఁబో బదికేది
