ఈ పుట ఆమోదించబడ్డది
రేకు: 0182-02 బౌళి సం: 02-410 అధ్యాత్మ
పల్లవి:
కరుణానిధివి గాన కాచితేనేమో కాని
సరికి బేసికి నిన్ను జరయఁ జోటున్నదా
చ. 1:
కాయములోపలి నిన్నుఁ గని మని కొలువక
ఆయపుఁగర్మమె బ్రహ్మ మని వుంటిని
చీయని నాచేఁతకు నే సిగ్గువడుండుట గాక
ఆయమేమైనా నిన్ను నడుగఁ జోటున్నదా
చ. 2:
సకలచైతన్యుఁడవై సరి నాలో నుండఁగాను
వికటపు విషయాలవెంటఁ బారితి
వొకరు రక్షించఁగా వేరొకరిపాలైన నాకు
తుకతుకలేకాక దూరఁగఁ జోటున్నదా
చ. 3:
పట్టి శ్రీవేంకటగిరిఁ బ్రత్యక్షమై యుండఁగాను
ఇటు నటుపై వైకుంఠ మేల కోరేను
దిట్టనై నానేరమి నే తెలిసి నవ్వుట యింతే
ఇట్టె నీచిత్తము గాక యెంచఁగఁ జోటున్నదా
