ఈ పుట ఆమోదించబడ్డది
రేకు: 0181-04 పాడి సం: 02-406 భగవద్గీత కీర్తనలు
పల్లవి:
గొరబై మొద లుండఁగఁ గొనలకు నీరేల
దొరదైవ మితఁడే తుదఁగల ఫలము
చ. 1:
క్రతువులు హరియే కర్మము హరియే
పితరులకు హరియే పెనుఁదృప్తి
సతతమంత్రముల సారము హరియే
యితనిసేవే పో యిన్నిటి ఫలము
చ. 2:
అనలము హరియే ఆహుతి హరియే
జననీజనకుల సరవి హరే
పనివడి వేదముఁ బ్రణవము హరియే
యెనసితని పూజ యిన్నిట ఫలము
చ. 3:
యేలికె హరియే యిరవును హరియే
వాలాయము సర్వము హరియే
కాలము శ్రీవేంకటగిరి హరియే
నేల నీతని శరణే సఫలంబు
