ఈ పుట ఆమోదించబడ్డది
రేకు: 0181-01 తెలుగు కాంబోది సం: 02-403 భగవద్గీత కీర్తనలు
పల్లవి:
చూచి మోహించకుందురా సురలైన నరులైన
తాచి నీవు ముందరఁ బ్రత్యక్షమైనను
చ. 1:
భాగీరథి పుట్టిన పాదపద్మములు
భోగపు మరుని జన్మభూమి నీ తొడలు
యోగపు నవబ్రహ్మలుండిన నీ నాభి
సాగరకన్యక లక్ష్మి సతమైన వురము
చ. 2:
అందరి రక్షించేటి అభయహస్తము
కంద నసురులఁ జంపే గదాహస్తము
సందడి లోకముల యాజ్ఞాచక్రహస్తము
చెంది ధ్రువు నుతియించఁ జేయు శంఖహస్తము
చ. 3:
సకల వేదములుండే చక్కని నీ మోము
వొకటై తులసిదేవి వుండేటి శిరసు
ప్రకటపు మహిమలఁ బాయని నీ రూపము
వెకలి శ్రీవేంకటాద్రి విభుఁడ నీ భావము
