ఈ పుట ఆమోదించబడ్డది
రేకు: 0180-06 శంకరాభరణం సం: 02-402 అధ్యాత్మ
పల్లవి:
అదియే విష్ణుపదము ఆతుమకు నెలవు
అదే జననకారణ మాకాశపదము
చ. 1:
మంచిమాఁటలైనాఁ గానిమాటలైన నొకచోట
ముంచిముంచి యాకాశముననే యణఁగును
యెంచరాని నిట్టూర్పు లెన్ని వొడమినాను
అంచల నణఁగిపోవు నాకాశమును
చ. 2:
చూపులెంత దవ్వైనా సూర్యచంద్రులఁ దాఁకి
ఆపొంతనే యణఁగు నాకాశమునను
రూపుల మైనీడలును రుచులఁ గాలత్రయము
పైపైనే యణఁగును బహిరాకాశమున
చ. 3:
యిలఁ జీఁకటి వెలుఁగు యెండ నహోరాత్రాలఁ
గలసి మెలఁగు నాకాశతత్వమున
చలువై శ్రీవేంకటేశు సాకారనిరాకారా-
లలరి వెలుఁగుచుండు నంతరాకాశమున