ఈ పుట ఆమోదించబడ్డది
రేకు: 0180-04 రామక్రియ సం: 02-400 శరణాగతి
పల్లవి:
ఇంతకంటేఁ దగుబంధు లింక నున్నారా
యెంత సేసినా నీకు నెదురాడేనా
చ. 1:
కోపగించి చంకబిడ్డఁ గోరీ తల్లి డించితేను
పైపైనే పడుఁగాక పాసిపొయ్యినా
వోపక నానేరముల కొగి నీవు వేసరితే
నీపాదాలే గతిగాక నే మానేనా
చ. 2:
చదివించే అయఁగారు జంకించి చూచితేను
వొదిగి చదువుఁగాక వోపననీనా
యెదుటి గుణములకు నెంత నీవు దొబ్బినాను
యిదె నీకే మొక్కుదుఁగా కింక మానేనా
చ. 3:
చెక్కు మీటి పాలు పెంచినదాది వోయఁగాను
గక్కన మింగుటగాక కాదనీనా
యిక్కడ శ్రీవేంకటేశ యిటుల రక్షించఁగ
నిక్కి నే మెరతుఁగాక నే మానేనా