ఈ పుట ఆమోదించబడ్డది
రేకు: 0180-03 లలిత సం: 02-399 వైష్ణవ భక్తి
పల్లవి:
ఇదివో వున్నార మింతట నంతట
వెదకి కదియకుమీ విష్ణుని మాయ
చ. 1:
హరిదాసులము హరికింకరులము
కరివరదుని డింగరులము
యిరవెఱిఁగితిననక యెఁఱగననక
సరి మాగురుతిది సర్వేశు మాయ
చ. 2:
హితులము శరణాగతులము కేశవ-
వ్రతులము వైష్ణవమతులము
గతి నినుఁ బాసితి కడు నిఁక మామీఁద
తతి దయమరవకు దైవము మాయ
చ. 3:
శ్రీవైష్ణవులము శ్రీవేంకటపతి
భావింప నితని పరికరము
యీవలనావల నిహపరములకును
తోవ దొలఁగుమీ తొలిఁదొలి మాయ